Нерӯҳои Русия шаби 19 ба 20-уми август ба вилоятҳои Суми ва Одессаи Украина бо паҳпод ё ҳавопаймоҳои бесарнишин зарба задаанд.
Мақомоти Украина гуфтанд, ки дар шаҳри Охтирка, дар ҷануби Суми, 14 кас захмӣ шуд. Дар миёни онҳо се кӯдак ҳаст.
Чанд манзили истиқоматӣ низ осеб дид.
Дар вилояти Одесса ба зербунёдҳои бандарии Измаил ҳамла шудааст.
Артиши Украина гуфт, нерӯҳои Русия дар шабонарӯзи гузашта ба қаламрави ин кишвар 93 ҳавопаймои бесарнишин ва ду мушаки дурпарвози Искандер-М сар доданд.
Ба иттилои ҷониби Украина, як мушак ва 62 ҳавопаймои бесарнишин сарнагун карда шуд.